Nisu mogli odoliti razmetanju i hvalisanju: Kako je irska svadba došla glave -super-kartelu-? (Video)

Nisu mogli odoliti razmetanju i hvalisanju: Kako je irska svadba došla glave -super-kartelu-? (Video)

Neki od najmoćnijih kriminalaca svijeta koji su preduzimali nevjerovatne mjere opraza i čiji identitet policija čak nije ni znala, nisu izdržali da propuste priliku za razmetanjem na svadbi vođe irske mafije, Daniela Kinahana.
Agenti DEA nisu mogli da vjeruju da su dobili “na tacni” sva imena kriminalaca sa kojim je Irac sarađivao, a upravo tako je počeo pad “super-kartela”, koji je distribuirao kokain za evropsko tržište i čiji je istaknuti član bio Sarajlila Edin Gačanin zvani Tito i Dino.

Uspon i pad takozvanog “super-kartela”, kome je nedavno Evropol u saradnji sa DEA i nekoliko evropskih policija zadao udarac od koga će se teško oporaviti, podsjeća na pravu filmsku priču. Iako se često misli da su scene iz mafijaških filmova plod bujne mašte scenarista, istorija “super-kartela” je, na neki način, podsjeća na film.

Nekoliko policijskih agencija i policija je dobilo uznemirujuće podatke iz podzemlja o formiranju nove kriminalne organizacije koja se u dobroj mjeri razlikovala od svih do tada postojećih. Dok su tradicionalne mafije jednonacionalne, kao italijanska mafija, irske kriminalne organizacije, kolumbijski ili meksički karteli, ova nova organizacija, koja je brzo dobila ime “super-kartel”, imala je potpuno nov, korporacijski pristup.

 

Neki od vodećih kriminalaca iz različitih dijelova svijeta, vođe različitih kriminalnih organizacija, odlučile su da osnuju kriminalnu “internacionalu”, odnosno spojili su ono što je naizgled bilo nespojivo. Predstavnici narko-kartela iz Južne Amerike, glava najmoćniije irske mafijaške porodice, jedan od vođa italijanske Kamore, marokanski kralj droge i, naravno, narko-bos sa ovih prostora, za koga se znalo samo po nadimku Tito, riješili su da prevaziđu razlike i počnu da rade zajedno.

Osnovano je nešto kao mafijaška “velika komisija”, ali na moderan, korporacijski način.

Rezultati su ubrzo stigli jer je Evropa preplavljena kokainom, od Španije, preko Belgije do Irske i Velike Britanije. Tržište je postalo unosnije od američkog, a policijske procjene su bile da je “super-kartel” odgovoran za šverc i distribuciju trećine kokaina u Evropi. Policija je počela grozničavo da sakuplja sve moguće podatke o misterioznoj kriminalnoj organizaciji.

Dešavale su se i zapljene, ali bilo je gotovo nemoguće rekonstruisati tačnu mrežu i piramidu kriminalne organizacije. Sve se svodilo na nagađanje, a jedno od rijetkih imena kojima je policija raspolagala je bio moćni šef irske mafijaške organizacije, za koju se sumnjalo da je uvezla čak 30 tona kokaina u Evropu, uz pomoć kolega iz “super-kartela”. To je bio Daniel Kinahan, ljubitelj boksa i kokaina, prijatelj prvaka u teškoj kategoriji Tajsona Fjurija.

Policijska akcija -Pustinjsko svjetlo- Kako je -pao- Edin Gačanin Tito: Uhapšen na području Dubaija (Foto/Video)

Zbog problema sa zakonom u rodnoj zemlji, Kinahan je morao da pobjegne u Dubai u Ujedinjenim Arapskim Emiratima, koji je tada bio sigurno utočište za kriminalce, pod uslovom da u toj zemlji ne čine krivična djela. Ali, članovi “super- kartela” su ionako većinu komunikacije obavljali pomoću kriptovane “Sky” aplikacije.

Da li im je uspjeh udario u glavu, ali 2017. godine ova super tajna i super moćna kriminalna grupa ispala je naivna.

Naime, Kinahan je riješio da se oženi u svom utočištu u Dubaiju i pozvao je sve svoje prijatelje i poslovne saradnike. Ni agenti DEA nisu bili lijeni i došli su do spiska gostiju u elitnom Burdž al Arabiu, a na spisku gostiju su imali šta da vide: spisak vrhuške “super-kartela”. Niko od njiih nije izdržao da se ne pojavi i pokaže svu svoju moć. Policija je imala kompletnu sliku i bilo je samo pitanje vremena kada će kriminalna grupa upasti u zamku koja im je postavljena, piše Sunday world.

Na spisku su, pored mladoženje Kinahana, bili i drugi kriminalci. Gost je bio i Rafaele Imperiale, vođa napuljske Kamore, jedne od najsurovijih italijanskih kriminalnih organizacija. I misteriozni Tito je dobio ime: Edin Gačanin iz Sarajeva, a tu je bio i marokansko-holandski kriminalac Ridvan Taži, kao i jedan od najuticajnijih narko-bosova Južne Amerike, Čileanac Rikardo Rikelme Vega, zvani El Riko.

Članovi “super-kartela” počeli su da “padaju” jedan po jedan, a da po njih stvari budu još gore, razbijena je i “Sky” aplikacija, pa je policija došla i do novih dokaza. Dvije godine je pod okriljem Evropola i uz asistenciju DEA trajala istraga koja je nedavno realizovana, nakon što je sa UAE potpisan ugovor o saradnji. Iza brave su se našli skoro svi, uhapšeno je 49 osoba povezanih sa “super-kartelom”, među njima i Gačanin, kao i glavni “blagajnik” kartela.

Igrom sudbine, jedini na slobodi se trenutno nalazi Daniel Kinahan, a za njim je DEA raspisala nagradu od pet miliona dolara.

Izvor: Nova.rs/istokrs.com

Pratite portal Infomedia Balkan i na društvenim mrežama: Fejsbuk i Tviter