Bajern se vratio na krov Evrope

Bajern se vratio na krov Evrope

Bajern je novi prvak Evrope – u finalu na praznom “Da Lužu” u Lisabonu, Bavarci su pobijedili Pari Sen Žermen 1:0. Gol odluke postigao je Kingsli Koman u 59. minutu poslije centaršuta Kimiha. Tako je Parižane bez titule ostavilo dijete ovog kluba, s obzirom da je sa osam godina stigao na “Park Prinčeva”, gdje je ostao tačno deceniju.

Dvije velike šanse imao je PSŽ u prvom dijelu. Nejmar i naročito Mbapeu, Nojer je odbranio dva čista zicera. Sa druge strane, Levandovski je u dva navrata bio blizu da u prvom dijelu savlada Navasa. Jednom je pogodio stativu, dok je u drugom pokušaju dobro reagovao golman Parižana.

Poslije gola Komana, imao je PSŽ još jednu dobru šansu, ali je sjajni Nojer zaustavio šut Markinjosa na dodavanje Di Marije.

Za Bavarce je ovo šesta evropska kruna, prva poslije 2013. godine, a do nje su došli sa svim pobjedama ove sezone u Ligi šampiona. PSŽ će nastaviti da čeka prestižni evropski trofej.

PSŽ - BAJERN 0:1

Izbor: m.cdm.me

Pratite Infomedia Balkan i na facebook-u:
https://www.facebook.com/infomediabalkan/?ref=bookmarks