Jednim potezom uklonite stres


Jednim potezom uklonite stres

Scena češanja po glavi nam je dobro poznata još od djetinjstva i crtaća i povezujemo je s mišlju – šta sada da uradim?

Obično je riječ o situacijama u kojima treba dobro da promislimo prije nego što napravimo sljedeći korak, a češanje po glavi je zapravo automatski gest. Mozak tu situaciju zapravo tumači kao stresnu, a svaki oblik nesvjesnog dodirivanja pokušaj je da sami sebe utješimo, objašnjavaju psiholozi.

Automatski gestovi poput češanja glave ili masiranja vrata su spoljašnji odraz unutrašnjeg stanja čovjeka. Psiholozi smatraju da je većina nesvjesnih gestova koji uključuju dodirivanje samog sebe zapravo želja da se čovjek utješi u trenucima nesigurnosti ili stresa. Na taj način sami sebe ohrabrujemo. Češanje glave je niz nesvjesnih pokreta kojima čovjek pokušava da se opusti i smanji količinu stresa, a usmjereno je prema glavi jer je upravo ona izvor tog stresa.


Izvor: CDM